October 19, 2021

Halkhabar kura

Entertainment Site

खाडी मूलुक साउदीले कफाला प्रणाली हटाउँदै, कम्पनी छाड्न कामदारलाई सहज हुने

1 min read

साउदी अरबले विदेशी कामदारका लागि लागू गर्दै आएको कफाला प्रणाली हटाउने भएको छ। यो व्यवस्था हटेपछि कामदारले काम गरिरहेको कम्पनी छाड्न मालिकको अनुमति आवश्यक पर्ने छैन।

साउदी सरकारले कफाला प्रणाली हटाउने योजना बनाइरहेको स्थानीय सञ्चारमाध्यमलाई उधृत गर्दै रोयटर्सले जनाएको छ।

साउदी अरब नेपालीहरुको वैदेशिक रोजगारीको प्रमुख गन्तव्यमा पर्छ। यो प्रणाली हटे नेपाली कामदारलाई थप सहज हुने छ।

साउदी अरबमा अहिले एक करोड विदेश कामदार कफाला प्रणालीअन्तर्गत काम गर्छन्। जसमध्ये चार लाखको हाराहारीमा नेपाली कामदार छन्।

यस प्रणालीमा रोगजारी दिने कम्पनीमा काम छाड्दा मालिकको अनुमति आवश्यक पर्छ। जसको कारण कामदारमाथि चरम शोषण हुने गरेको छ। यो व्यवस्थाको धेरै पहिलेदेखि नै आलोचना हुँदै आएको थियो।

साउदी अरबमा कफाला प्रणाली सात दशकदेखि जारी छ। अगामी साता साउदी अरबको मानव संशाधन तथा सामाजिक विकास मन्त्रालयले रोजगारदाता र कामदारबीच सम्झौता सुधार सम्बन्धी घोषणा गर्ने छ। यो आगामी वर्षको मध्यसम्ममा कार्यान्वयनमा आउने बताइएको छ।

पछिल्लो समय साउदी अरबले अर्थतन्त्र सुधारका कदम चाल्न थालेको छ।

-nepalkhabarbat

Leave a Reply

Your email address will not be published.