November 28, 2021

Halkhabar kura

Entertainment Site

कोरोना कहर: यस्ता उमेरसमूहका मानिसलाई बढी जोखिम

1 min read

काठमाडौं । अहिलेको सबैको चासोको बिषय बनेको छ कोरोना भाइरस , चीनको हुबेइ प्रान्तको वुहान सहरबाट सुरु भएको नोभेल कोरोना भाइरस अर्थात कोभिड-१९ बाट अहिले विश्व नै आतंकित बनेको छ ।

अहिलेसम्म लगभग बिस्वभरका ८४ वटा मुलुकमा महामारी फैलिएको छ । नेपालमा पनि कोरोनाबाट एकजना संक्रमित भएको विश्व स्वास्थ्य संगठनले जनाएको छ । तर, नेपाल सरकारले भने नेपालमा कोरोना संक्रमित नभएको दाबी गरिरहेको छ । कोरोना आशंकमा टेकुस्थित शुक्रराज ट्रपिकल तथा सरुवा रोग अस्पतालमा भर्ना भएका २३ जनामध्ये कसैलाइ पनि कोरोना पुष्टि नभएको अस्पतालले जनाएको छ ।

विश्वभर कोरोना संक्रमण नियन्त्रणका लागि आवतजावतमा प्रतिबन्ध लगाउनुका साथै मुलुकभित्रका विद्यालय र सरकारी कार्यालयहरु पनि बन्द गरिएका छन् । कुन उमेर समूहका छन् उच्च जोखिममा ? कोरोनाभाइरस व्यक्तिबाट अर्को अस्वस्थ्य व्यक्तिमा संक्रमण भएमा ज्यान जाने डर बढी हुन्छ ।

बीबीसीले ४४ हजारभन्दा बढी कोरोना संक्रमितको विश्लेषण गर्दा वयस्कलाई भन्दा वृद्ध मानिसको निधन १० गुणा बढी हुने निष्कर्ष निकालेको थियो । ३० वर्षभन्दा कम उमेरका कोरोना संक्रमित मानिसको मृत्युदर कम भएको जनाइएको छ । ३० वर्षभन्दा कम उमेर समूहका चार हजार पाँच सय कोरोना संक्रमितमा आठ जनाको मृत्यु भएको थियो । त्यसमा पनि मधुमेह, उच्च रक्तचाप, मुटु र श्वासप्रश्वाससम्बन्धी रोग भएका मानिसको निधन हुने जोखिम सामान्यभन्दा पाँच गुणा बढी हुन्छ ।

महिलाको तुलनामा पुरुषको मृत्युदर बढी हुनेसमेत बीबीसीले जनाएको छ । बीबीसीले उक्त तथ्यांकलाई विभिन्‍न अन्य पक्षहरुले फरक पार्नसक्‍ने जनाएको छ । तर, स्थान अनुसार पनि कोरोनाबाट निधन हुने दरमा फरक पर्ने जनाइएको छ । कोरोना संक्रमणबाट निधन हुनेमा ८० वर्षभन्दा बढी मानिस उच्च जोखिममा रहेका छन् भने ५० देखि ८० वर्षसम्मका मानिसहरु जोखिममा रहेका छन् ।

बीबीसीले विश्लेषण गरेको ४४ हजार कोरोना संक्रमितको तथ्यांकमध्ये ८० वर्षभन्दा बढी उमेर समूहका १४ प्रतिशत मानिसहरु संक्रमित भएका छन् भने ७० देखि ८० वर्ष उमेर समूहका पाँचदेखि १० प्रतिशत संक्रमित भएका छन् भने ४०-७० उमेरसमूहका मानिसहरु पाँचदेखि १० प्रतिशत छन् भने ४० भन्दा कम उमेरहसमूहका मानिसहरुमा पाँच प्रतिशत मानिसहरु संक्रमित भएका छन् ।

विश्व स्वास्थ्य संगठनले सबै किसिमका श्वासप्रश्वास रोगबाट जोगिनका लागि साबुनपानीले हात धुन, रुघाखोकी लागेका मानिसहरुबाट टाढा रहने, हाँछ्यु गर्दा मुख छोप्‍न सुझाव दिएको छ । त्यसैगरी संगठनले कोरोना भाइरस हुँदैन भनेर ढुक्क हुनु ‘घातक गल्ती’ हुने समेत बताएको छ ।

Leave a Reply

Your email address will not be published.